Nesër në qytetin tonë do të fillojë nga puna Zyra Bashkëpunim me Diasporë.

Qëllimi i hapjes  së zyrës është vënia e një komunikimi zyrtarë me bashkëvendasit tanë, me shoqatat dhe asociacionet e tyre.  Ajo do të ndërtojë bazën e të dhënave të mërgimtarëve tanë, implementojë projekte që kanë për qëllim involvimin e diasporës në jetën socio-ekonomike të qytetit tonë, regjistrimin e potencialin intelektual të diasporës etj.

Do të jetë urë për të gjithë ata mergimtarë që janë të gatshëm të kontribuojnë në zhvillimin e Ulqinit. Ajo do të angazhohet për ruajtjen dhe kultivimin e identitetit kombëtar, gjuhësor, kulturor e arsimor dhe lidhshmëritë e tyre me institucionet vendase.