Javën e kaluar, 3,935 persona nga Ukraina kanë hyrë në Mal të Zi, dhe 3,307 janë larguar, njoftoi Ministria e Punëve të Brendshme (MPB).

Departamenti qeveritar tha se nga 24 shkurt 2022 deri më sot, 252,469 persona nga Ukraina kanë hyrë në Mal të Zi, dhe 247,080 janë larguar.

Siç thanë ata, javën e kaluar 71 persona nga Ukraina paraqitën kërkesë për miratimin e mbrojtjes së përkohshme.

“Nga fillimi i zbatimit të Vendimit për mbrojtje të përkohshme më 14 mars 2022, deri më sot janë paraqitur 12.006 kërkesa për mbrojtje të përkohshme (7.439 gra dhe 4.567 burra), prej të cilave janë miratuar gjithsej 11.554 kërkesa”, thuhet në deklaratë.

MPB-ja ka deklaruar se numri i kërkesave për vazhdimin e mbrojtjes së përkohshme në atë periudhë ka qenë 9721, prej të cilave femrat kanë paraqitur 6015 dhe meshkujt 3706.

“Numri i kërkesave për vazhdimin e mbrojtjes së përkohshme vitin e kaluar ka qenë 4305 dhe janë miratuar 4299 kërkesa, ndërsa këtë vit janë dorëzuar 5416 kërkesa për vazhdimin e mbrojtjes së përkohshme, prej të cilave 4294 janë miratuar, ndërsa pjesa tjetër janë në shqyrtim. “ thuhet në deklaratë..

MPB-ja tha se janë duke ndërmarrë aktivitete në kuadër të juridiksionit të tyre dhe se të gjitha segmentet e menaxhimit të migracionit janë nën kontroll.