Raporti i Komisionit Evropian është pasqyrë e mirë e situatës në Mal të Zi dhe udhërrëfyes i mirë për Qeverinë dhe vendimmarrësit, tha sot presidenti i Malit të Zi Jakov Millatoviq.

Presidenti tha gjithashtu se nuk mendoj se Mali i Zi është vlerësuar keq në Raportin e KE-së.

“Unë pres që qeveria dhe parlamenti i ri të hapin derën për të gjitha reformat e tjera në Mal të Zi përmes emërimeve në gjyqësor, mendoj se kjo është gjëja kryesore”, tha Millatoviq.

Ai beson se Raporti nuk fokusohet sa duhet në gjërat e mëdha thelbësore që kanë ndodhur në periudhën paraprake. Ai i referohet tranzicionit të pushtetit në vitin 2020 dhe tre qeverive që atëherë.

“Ne kemi bërë shumë gjëra për reformën në drejtësi, përmes largimit të disa personave që sipas shumë raporteve kanë qenë të këqija për gjyqësorin tonë”, theksoi ai.

Millatoviq thotë se kemi qenë keq në gjetjen e konsensusit politik në emërime. Ai gjithashtu mendon se përgjegjësia nuk duhet të kalojë te qeveritë e mëparshme.

“I bëj thirrje të gjithëve që të jenë burrështetas dhe të përgjegjshëm ndaj Raportit dhe ta kuptojnë atë si një prerje të mirë të situatës dhe të punojmë së bashku për të korrigjuar gjërat”, tha presidenti.

Ai po ashtu thotë se qytetarët presin që Qeveria dhe Kuvendi të jenë më të përgjegjshëm dhe të zgjedhin njerëz me integritet në gjyqësor, të cilët do të luftojnë më fuqishëm kundër korrupsionit dhe krimit të organizuar.

“Kjo është pritshmëria e qytetarëve dhe kjo është edhe pritshmëria ime dhe besoj se duhet të jetë kështu, më duket se kjo mazhorancë parlamentare është bërë në atë mënyrë që do të ketë emërime në drejtësi, jo çfarëdo emërimesh por emërimet e njerëzve të nderuar dhe profesionistëve dhe që do të sjellin drejtësinë e dëshiruar, të cilën e presin qytetarët”, ka përfunduar Millatoviq.

Kur u pyet se sa anëtarë të delegacionit të tij shkuan në Nju Jork dhe sa kushtoi ai udhëtim, ai u përgjigj se ishte një pyetje e sekretarit të Presidentit të Malit të Zi dhe se mendonte se i ishin përgjigjur kësaj pyetjeje.

“Ne kemi marrë disa pyetje të tilla përmes qasjes së lirë në informata, ne iu përgjigjëm atyre”, tha Millatoviq.