Nëntë anëtarë të Bashkimit Evropian dhe Shengenit i kanë hequr plotësisht masat për hyrjen në vend për COVID-19, njëri ka lehtësuar regjimin e hyrjes, ndërsa pjesa tjetër ka ruajtur masat për kategori të caktuara pasagjerësh, shkruan portali Schengenvisainfo.

Sipas të dhënave, Danimarka, Hungaria, Islanda, Irlanda, Norvegjia, Polonia, Rumania, Sllovenia dhe Suedia kanë hequr të gjitha masat për hyrjen e të gjithë pasagjerëve në vend.

Republika Çeke, Letonia dhe Holanda kanë hequr kufizimet e COVID-19 për hyrjen vetëm për udhëtarët nga vendet e BE-së dhe anëtarët e Zonës Ekonomike Evropiane (EEA), raporton Al Jazeera.

Austria, Belgjika, Qiproja, Estonia, Finlanda, Franca, Kroacia, Gjermania, Greqia, Lituania, Malta, Portugalia, Sllovakia, Spanja kanë mbajtur masat e COVID-19 për të hyrë në vend.

Nëse dëshironi të hyni në Austri, për shembull, duhet të vazhdoni të tregoni një certifikatë të vlefshme vaksinimi, një Covid ose një test negativ. Të njëjtat rregulla zbatohen për hyrjen në Belgjikë, Bullgari, Kroaci, Gjermani.

Estonia ka ruajtur rregullin që vetëm personat e vaksinuar dhe ata që janë infektuar me Covid mund të hyjnë në vend pa karantinë apo detyrimin për t’u testuar atje.