Ndërmarrja “Ujësjellës-kanalizime” ka ndërhyrë sot për të sanuar stacionin e pompimit në Gjerana, diçka që sipas drejtorit Fuad Haxhibeti ishte domosdoshëmëri në mënyrë që të evitohen problemet potenciale gjatë sezonit turistik. Punimet kryesore tha Haxhibeti janë kryer nga vetë ndërmarrja, kurse për shkak të mungesës së disa mjeteve,ishte i nevojshëm edhe angazhimi i një kompanie nga Podgorica. Sipas udhëheqësit të grupit të punës Gzim Ujkashi, gjatë punës kanë hasur në disa pengesa por shpresojnë që ato të kryhen brenda ditës.