Sektori primar i shëndetësisë, në radhë të parë qendrat shëndetësore dhe punonjësit që zbulojnë virusin, janë më të prekur nga rritja e numrit të personave të infektuar me koronavirus, tha drejtori i Institutit të Shëndetit Publik (ISHP), Igor Galiq.

“Për shkak të rritjes së numrit të të infektuarve, niveli primar është më i prekur, në radhë të parë qendrat shëndetësore dhe ato që merren me zbulimin e viruseve dhe monitorimin e rasteve, dmth ISHP dhe shërbimet higjieno-epidemiologjike të qendrave shëndetësore vendore”, tha Galiq në një intervistë për MINA.

“Shpresojmë që karakteristikat e sojit omicron të na ndihmojnë ta luftojmë atë, por mbi të gjitha kemi nevojë për qytetarë që do t’u përmbahen masave, të cilët do të vaksinohen dhe në këtë mënyrë do t’i ndihmojnë punëtorët shëndetësorë që të stabilizojnë situatën”, tha Galiq.

Duke folur për vendimin për anulimin e certifikatës së COVID-19 gjysmë viti pas dozës së dytë, Galiq kujtoi se rekomandimi i parë ishte vaksinimi i njerëzve tre muaj pas dozës së fundit ose shërimit.

“Nuk ishte një ide për të përmirësuar vaksinimin, por përmes studimeve serologjike që bëmë, arritëm në përfundimin se pas katër deri në pesë muaj të sëmurjes ose vaksinimit, mbrojtja nga infeksioni bie ndjeshëm,” shpjegoi Galiç.

I pyetur se sa ka gjasa që vaksinat ekzistuese të jenë efektive kundër variantit omikron të koronavirusit, Galiq u përgjigj se ekziston gjithmonë rreziku që çdo mutacion i ri të shkaktojë më pak efikasitet dhe efektivitet të vaksinave.

Ai ka thënë se Mali i Zi aktualisht nuk është goditur më fort, por situata më reale  do të dihet në shtatë deri në dhjetë ditët e ardhshme.

Galiq tha se vetë fushata e vaksinimit dhe fillimi i vaksinimit kaloi nëpër faza të ndryshme, si dhe të gjitha llojet e fushatave.