Gazeta “Dan” me 9 dhjetor ka publikuar tekstin”Pa gjurmë humbën katër mijë euro”, në të cilin ka reaguar ndihmës drejtori i Qendrës për Kulturë Dr. Nail Draga.

Ai për televizionin Teuta thotë se 4.000 eurot e përfolura nuk janë zhdukur nga xhiro llogaria e Qendrës për Kulturë  por me 24 maj të vitit 2016 janë transferuar për organizimin e Festivalit të këngës për fëmijë  tek OJQ “SKLAD”. “Lidhur me këto mjete ekziston edhe dokumentacioni përkatës në shërbimin e Qendrës për Kulturë, si dhe për çfarë janë shpenzuar”, tha Draga.