Në një deklaratë për TV Teuta, kryeshefi i Policisë Komunale të Ulqinit, Milazim  Mustafa, tha se objekti i ndërtuar nga shtetasi i Kosovës Lirim Mustafa në pyllin e pishave  do të hiqet të enjten e ardhshme, me 28 mars 2019. Heqja e objektit do të kryhet nga inspekcioni  shtetëror i Ministrisë së Zhvillimit të Qëndrueshëm dhe Turizmit. Sipas Mustafës, objekti është ndërtuar mbi pronën private, por për këtë pjesë të qytetit nuk ka plan urbanistik.

 Në media dhe në rrjete sociale është ngritur mjaft kjo çështje dhe një grup i qytetarëve kanë paralajmëruar tubim paqësor para këtij objekti  të paligjshëm.