Nga Organizata joqeveritare MogUl, kanë dalë me një deklaratë për media në të cilën kritikojnë bisedat sekrete për ligjin e ri për planifikim hapsinor, i cili sipas tyre është në dëm të interesave të komunave bregdetare, sidomos Ulqinit. Nga kjo  shoqatë thonë se ato kanë ditur edhe në të kaluarën të mbrojnë interesat e qytetarëve, si në rastet e Kripores dhe Valdanosit, dhe do të vazhdojnë në të njëjtën mënyrë edhe në rastin aktual, kur resurset e qytetit po kërcnohen nga klane të organizuara të interesit.Ato u bëjnë thirrje deputetëve nga Ulqini që të mos keqpërdorin besimin e qytetarëve duke mbyllur syte para devastimit të bregdetit i cili planifikohet me ligjin e ri.