Ministri Dukaj i njoftoi përfaqësuesit e Bankës Botërore për prioritetet strategjike dhe dinamikën e punës së Ministrisë së Administratës Publike dhe theksoi rëndësinë e bashkëpunimit të Malit të Zi me Bankën Botërore, veçanërisht mbështetjen e saj në procesin e reformës dhe digjitalizimit të administratës publike.

Ministri Dukaj iu referua Strategjisë për Reformën e Administratës Publike 2022-2026 dhe përmirësimit të shërbimeve elektronike për qytetarët dhe ekonominë, transformimet digjitale, si dhe rezultatet e deritanishme, dhe e theksoi  si shumë të rëndësishme ndihmën dhe mbështetjen e Bankës Botërore.
Përfaqësuesit e Bankës Botërore deklaruan se ka pasur ndryshime të dukshme dhe shprehën gatishmërinë, duke njohur faktin se Mali i Zi ka potencial të fuqishëm zhvillimi, për të ofruar mbështetje në procesin e reformës së administratës publike përmes një plani të përcaktuar qartë të komponentëve të zhvillimit, veçanërisht në pjesën  prioritare.
Një nga fokusi i Bankës Botërore në periudhën e ardhshme do të jetë reforma e administratës publike dhe zhvillimi i administratës digjitale, si dhe mbështetja e plotë përmes asistencës së ekspertëve”, tha Christopher Sheldon.