Ministrja e Punës dhe Mirëqenies Sociale Naida Nishiq dhe Ministrja e Arsimit, Shkencës dhe Inovacionit Angjella Jakshiq-Stojanoviq vizituan Shtëpinë e Fëmijëve pa Përkujdesje Prindërore “Mladost” në Bijella, me qëllim të dhënies së dhuratave për gjysmëmaturantët dhe maturantët.
“Këmbëngulja dhe dëshira juaj për të mësuar na frymëzon dhe na jep forcë për të vazhduar punën për krijimin e kushteve më të mira për të gjithë ju”, tha Nishiq.
Sipas Jakshiq-Stojanoviq, kjo është një kujtesë e rëndësisë së mbështetjes dhe dashurisë që meriton çdo fëmijë.
“Ju jeni e ardhmja e shoqërisë sonë dhe ne jemi këtu për t’ju mbështetur në çdo hap”.
Ministrat ranë dakord se do të vazhdojnë të punojnë për përmirësimin e kushteve të fëmijëve pa përkujdesje prindërore dhe t’i mbështesin ata në zhvillimin dhe edukimin e mëtejshëm, duke u ofruar jo vetëm ndihmë materiale, por edhe mbështetje emocionale dhe besim në një të ardhme më të mirë.
Nëpërmjet këtyre gjesteve të solidaritetit dhe vëmendjes, ne krijojmë një botë në të cilën çdo fëmijë ka mundësinë të realizojë ëndrrat e tij dhe të rritet në një person të lumtur dhe të suksesshëm