Pas takimit të parë në ora 14.00 Spajiq priti edhe përfaqësuesit e koalicionit “Për të Ardhmen e Malit të Zi”, Andrija Mandiq dhe Millan Knezheviq.

Pas takimit, Mandiq tha për gazetarët se është arritur përparim i madh dhe se janë të kënaqur me bisedimet. “Është bërë një hap i madh përpara dhe kemi konstatuar se qeveria duhet të formohet sa më shpejt”, tha Mandiq.

Ai shtoi se do të vazhdojnë të punojnë shumë në ditët në vijim. “Ne jemi shumë të kënaqur me bisedimet. Ndarja e posteve është lënë disi mënjanë,” tha Mandiq. Ai pohoi se në takimin ku kanë marrë pjesë edhe përfaqësues të Malit të Zi Demokratik, nuk është diskutuar për postin e kryetarit të Kuvendit.