Rezultatet e ish-kryeministrit Dritan Abazoviq në sektorin e sigurisë i përshkruan më së miri tuneli nën institucionet më të rëndësishme shtetërore dhe besueshmëria e tij konfirmohet nga dëshmia e tij e fundit para organeve kompetente, njoftoi Lëvizja Evropa Tani (PES).

Lëvizja Qytetare URA më parë vlerësoi se lufta kundër korrupsionit dhe krimit të organizuar nuk është prioritet i kryeministrit Millojko Spajiq dhe Qeverisë, si dhe se sektori i sigurisë nuk është një lodër, edhe pse shumica qeverisëse e percepton atë si i tillë.

“Pasi ish-kryeministri luajti me pritshmëritë e publikut dhe autoriteteve kompetente për zbardhjen e detajeve dhe porositësit të tunelit të gërmuar, për të fshehur gjurmët, partia e tij po përpiqet të aktualizojë shqetësimin e pretenduar për sektorin e sigurisë së Qeverisë së 44-të”, tha Lëvizja Evropa Tani në përgjigje.

Nga ajo parti thanë se është shqetësues fakti se disa zyrtarë të URA-s po hetohen për kontrabandë me cigare, ndërsa të tjerë, siç thonë nga LET, pozojnë pa hezitim me persona të interesit të sigurisë.

“Me kalimin e disa ditëve shihet se sa të relaksuar kanë qenë klanet kriminale ndërkohë që URA gjoja luftonte kundër tyre”, shkruan në reagim.

Lëvizja Evropa Tani tha se gjatë menaxhimit të sektorit të sigurisë nga Abazoviq, Radoje Zvicer dhe Lubo Milloviq kanë ikur nga Mali i Zi, ndërsa në rolin e koordinatorit të të gjitha shërbimeve të sigurisë, Abazoviq ka takuar emra të njohur të mjedisit kriminal në burg.

“Është ende mister pse ish-kryeministri kishte një telefon të koduar, të cilin nuk ua ka lajmëruar autoriteteve dhe për çfarë qëllimesh e përdorte”, thuhet në reagim.

Lëvizja Evropa Tani tha se atëherë nuk është për t’u habitur pse zyrtarë të shquar të LQ URA janë fotografuar me persona me interes të sigurisë.

“Rezultatet e ish-kryeministrit në sektorin e sigurisë i përshkruan më së miri tuneli nën institucionet më të rëndësishme shtetërore dhe besueshmërinë e tij e vërteton edhe dëshmia e tij e fundit para organeve kompetente”, përfundojnë në reagimin e tyre.