Dy doganierë në pikën kufitare Slavonski Samac, midis Kroacisë dhe Bosnje-Hercegovinës, duke gjykuar nga videoja e publikuar, i shpjeguan udhëtarit se ishte më e lehtë të jepte ryshfet sesa t’i komplikonte gjërat dhe të shkruanin një raport për kundërvajtje.

Kur pasagjeri, i cili i filmoi fshehurazi, u tha atyre se nuk kishte para të mjaftueshme në portofolin e tij, dy doganierë e udhëzuan me gatishmëri që të kthehej në një vend aty pranë, ndoshta Slavonski Samac, dhe të tërhiqte shumën që ata kërkuan në një ATM, raporton index.hr

Në një bisedë të regjistruar fshehurazi të postuar në YouTube, zëri i njërit prej dy punonjësve të doganës dëgjohet duke i shpjeguar udhëtarit se gjoba për mallrat e padeklaruar që ai donte të transferonte nga Bosnja në Kroaci sigurisht që nuk do të ishte më se 1300 euro.