Shoqata e studentëve shqiptarë të Universitetit të St. Gallenit ka mbajtur Akademi përkujtimore me rastin e 50 vjetorit të vdekjes së Fan Stylian Nolit. Për të ligjëruar dhe debatuar ishte ftuar historiani dhe autori shqiptar në Zvicër Dr. Jon Leka.

Ai u lind më 6 janar 1882 në Qytezë e cila kishte ruajtur me kohë gjuhën, doket dhe traditat e të parëve. Noli e konsideronte fisin e vet me prejardhje nga Qyteza e Kolonjës.

I ati i tij, Stiliani, ndonëse trashëgoi tokë si pronë, nuk u mor me bujqësi, por shërbeu si psalt në kishën e fshatit. E ëma, Maria, ishte shtëpiake. Familja u shtua shumë dhe erdhi një kohë që jetesa u bë e vështirë për të. Sa qe i mitur Noli hoqi sëmundje të rënda, prandaj shkollën e nisi me vonesë.

Shkollën fillore dhe të mesme i kreu në gjuhën greke në Heybeliada, Stamboll. Gjithsesi, tek ai ndikoi më shumë krenaria e fshatit shqiptar për të kaluarën historike dhe dashuria për shkrimin shqip.

Disa poezi nga Fan Noli:

• Anës lumenjve
• Fryn moj erë
• Himni i Flamurit
• Moisiu në Mal
• Albumi