Pas dy vitesh ndërprerje, përsëri u bë organizimi I Paradës Shqiptare, e cila u mbajt me datën 11 qershor në New York, e organizuar nga Shoqata Albanian Roots.
Parada e cila zgjati nga ora tetë deri në ora dymbëdhjetë, grumbulloi me mijëra shqiptarë të cilët këtë ditë e zbukuruan rrugën 1155 6th Avenue të New Yorkut, duke parakaluar me veshje dhe valle të shumta tradicionale kombëtare, nga shumë treva shqiptare.
Në Paradën shqiptare 2022 u paraqitën edhe shoqatat e shqiptarëve në Mal të Zi, Kraja, Ulqini, Ana e Malit, Plave Gucia, etj, të cilët performuan me veshje dhe valle tradicionale të trojeve të veta.
Kjo ditë bashkon jo vetëm shqiptarët në New York, por edhe shqiptarët nga mbarë SHBA-të, duke ftuar edhe mysafirë të shumtë nga Shqipëria dhe visët e ndryshme shqiptare.