Nuk ka arsye për panik për shkak të gjuajtjes me gurë në ambasadën malazeze në Prishtinë ka deklaruar i ngarkuari me punë me atë përfaqësi diplomatike Radovan Milaniq duke shtuar se gjendja po qetësohet dhe marrëdhëniet e dy shtetëve kanë mbetur të mira. Ambasada e Malit të Zi në Prishtinë është qëlluar me gurë ditën e shtune kur është thyer xhami në ndërtesë , por askush nuk është lënduar. Milaniq ka thënë për gazetën Pobjeda se në ambasadë janë të kënaqur me raportet e policisë dhe të qeverisë së Kosovës lidhur me këtë rast të ndodhur.