Të gjithë shërbyesit civilë, si mësuesit, mjekët apo edhe ata që punojnë vetë në administratën komunale, që punojnë në katër komunat në veri të Kosovës, kanë mbetur pa pagat e muajit mars.
Kjo për faktin e thjeshtë se komunat që drejtohen nga serbët lokalë, nuk kanë respektuar afatet ligjore të miratimit të buxheteve komunale dhe për këtë arsye, Ministria e Administrimit të Pushtetit Lokal nuk u ka ndarë buxhetin e lejuar.