Prokuroria e lartë ka ngritur një aktakuzë kundër një 21-vjeçari nga Podgorica i cili përdhunoi një të mitur, filmoi kundër vullnetit të saj, shpërndau videon dhe e shantazhoi atë, shkruan Pobjeda. Gjykata e Lartë konfirmoi se padia kundër qytetarit të Podgoricës për përdhunim dhe regjistrim të paligjshëm të të miturës u ishte dorëzuar atyre. Ata thanë se shqyrtimi i provave të Prokurorisë së Lartë do të caktohet brenda afatit ligjor.

Më 25 shtator 2019, videoja me përmbajtje pornografike u vu në dispozicion të një numri më të madh të njerëzve duke e dërguar atë tek një person i paidentifikuar përmes një aplikacioni social.

E mitura tha në hetim se ajo kishte një marrëdhënie emocionale me të akuzuarin që zgjati për nëntë muaj.

Në një moment, sipas vajzës, i akuzuari filloi t’i bënte presion asaj për të kryer marrëdhënie seksuale, gjë që ajo nuk dëshironte.

“Ai tha se babai i tij dhe një nga të afërmit e tij janl zyrtarë të burgut dhe se ai do të merrte masa që babai i sai i cili vuan dënimin me burg , do të qëndronte më gjatë. Ai gjithashtu kërcënoi që gjyshja e saj, e cila ishte kujdestarja e saj, do të njoftohet me histori të shëmtuara dhe se gjyshja do të humbte besimin tek ajo. Ai gjithashtu ka kërcënuar se do të vinte në shkollë dhe do  t’i shkaktonte probleme “, thuhet në aktakuzë.

Nga ana tjetër 21-vjeçari mohoi pretendimet në hetim, duke deklaruar se ishte një trillim i një vajze që është e prirur për trillime.