Në aksidentin e komunikacionit që ka ndodhur mbrëm rreth orës 18:00 në rrugën e moçme Tivar – Ulqin tek ura e Mërkotit, autobusi me targa të Shqipërise i cili kishte brenda 57 pasagjer rrëshqiti nga rruga dhe ra në humnerë. Me këtë rast ka humbur jetën një pasagjere e moshës 30 vjeçare, ndërsa shpëtimtarët kanë arritur pas dy orëve të nxjerrin nga autobusi i aksidentuar djaloshin 14 vjeçar. Të gjithë udhëtaret janë hospitalizuar në spitalin e Tivarit, askush nuk ka lëndime në rrezik për jetën. Autobusi Shqiptar kthehej nga Dubrovniku nga një shëtitje turistike. Organet hetuese ende nuk kanë lëshuar komunikat zyrtare rreth rastit të këtij aksidenti.