Kryeministri i Malit të Zi, Zdravko Krivokapiq, ka uruar Genci Nimanbegun me rastin e zgjedhjes së tij në krye të Forcës së Re Demokratike.

“Reputacioni juaj dhe reputacioni i një politikani me qëndrim që ka ndjekur gjithmonë imazhin e një përfaqësuesi autentik të popullit shqiptar, ngjall shpresë se Forca do të vazhdojë të kontribuojë në zhvillimin e Malit të Zi demokratik, qytetar, multietnik, multifetar dhe evropian, fat dhe suksese në punen që keni përpara”, thuhet në urimin e kryeministrit Krivokapiq.