Më shumë se 1000 anije dhe jahte kanë shfrytëzuar shërbimet e portit të Kotorrit këtë vit, i cili solli në vendin tonë afro 400 mijë pasagjerë, tha ministri i Punëve Detare, Filip Radulloviq.

Shifra të tilla, thotë ai, janë një tjetër tregues i rëndësisë së lidhjeve detare si për ekonominë ashtu edhe për turizmin. Sezoni i suksesshëm detar konfirmoi se pjesa jonë e bregdetit të Adriatikut është tërheqëse dhe infrastrukturë e gatshme për interesin në rritje të kompanive detare.

“Ky numër dëshmon për interesimin në rritje të turistëve për destinacionin tonë, gjë që konfirmon edhe më shumë statusin e saj tërheqës në skenën ndërkombëtare. Bregdeti i bukur me plazhet e tij të pastra dhe detin blu la përshtypje të fortë te vizitorët”, tha Radulloviq.

Që nga fillimi i vitit, Porti i Kotorrit ka shërbyer 311 anije pasagjerësh dhe 752 jahte në kuadër të aktivitetit të tij. Numri i përgjithshëm i pasagjerëve të regjistruar që kanë ardhur në Kotorr në këtë mënyrë ka qenë 391.801.

Ministri beson se muajt në vazhdim, nëse e lejojnë moti, do të japin rezultate të mira.

“Ne presim që ky trend të vazhdojë edhe pas sezonit, i cili premton të jetë i suksesshëm. Bregdeti malazez kërkon valorizim të kujdesshëm sepse vetëm me një qasje të përgjegjshme mund të sigurojmë një zhvillim të qëndrueshëm që do të ruajë bukurinë e bregdetit tonë dhe do të sjellë përfitime ekonomike për komunat bregdetare. “, përfundoi Radulloviq.