Imami shumëvjeçar i Mexhlisit të Bashkësisë Islame të Ulqinit Rexhep ef. Lika u nda nga jeta në moshën 84-vjeçare.

Rexhep ef. gjatë shërbimit të tij dha një kontribut të madh në komunitetin islam në Mal të Zi dhe në Mexhlisin e Ulqinit, dhe si imam në pension ai vazhdoi të përdor autoritetin dhe reputacionin e tij për t’i thirrur njerëzit në vlerat e vërteta islame.

Ai ishte mishërimi i Islamit dhe shembull i vërtetë i një Imami të vërtetë. Përkushtimi i tij edhe pas daljes në pension e forcoi më tej reputacionin dhe respektin e tij brenda komunitetit.

Varrimi bëhet të hënën, më 2 shtator 2024 në ora 17:00 në varrezat e Sallakut – Pinjesh.

Në emer të gjithë stafit të Televizionit Teuta, shprehim ngushëllimet tona familjes Lika!

Imam Rexhep Lika ishte një figurë e shquar e fesë dhe e kulturës shqiptare, i njohur për angazhimin e tij në shkollimin dhe udhëheqjen e komunitetit. Vdekja e tij është një humbje e madhe për të gjithë ata që e njohën dhe e vlerësuan punën e tij.

Në këto momente të vështira, kujtojmë përkushtimin e tij të pandërprerë për të promovuar vlerat e paqes, dashurisë dhe bashkëjetesës mes njerëzve. Imami Lika la pas vetes një trashëgimi të çmuar dhe një frymëzim të madh për brezat e ardhshëm.

Le të përkujtojmë kontributin e tij dhe të vazhdojmë të bartim dritën e ideve dhe parimeve që ai përqafoi. Qoftë i paharruar!

E lusim Allahun xh. sh. për t’i dhënë atij mëshirë dhe saber për familjen.