Nuggets në epërsi ndaj Heatit
Prej tvteuta13:51, 8 Qershor 2023
Basketbollistët e Denver Nuggets kaluan në epërsi 2:1 në finalet e NBA-së kundër Miami Heat pasi fituan 109:94 si mysafirë. Fitorja erdhi falë paraqitjes historike të dyshes Nikola Jokiq – Jamal Murray.
Çështja e fituesit u zgjidh në pjesën e dytë, më saktë në fillim të çerekut të fundit kur Denveri arriti të shkojë në +21 dhe deri në fund ruajti epërsinë.
Jokiq e përfundoi ndeshjen me 32 pikë, 21 kërcime dhe 10 asistime, duke u bërë basketbollisti i parë në finalet e NBA që shënon të paktën 30 pikë, 20 kërcime dhe 10 asistime.
Jokiq dhe Murray u bën dyshja e parë në histori të NBA që arrin “triple-double” me së paku 30 pikë secili.
Te vendasit ra në sy Jimmy Butler me 28 pikë dhe Bam Adebayo me 22 pikë, por ishte shumë pak duke pasur parasysh se bashkëlojtarët e tjerë dështuan.
Ndeshja e radhës është planifikuar për natën mes të premtes dhe të shtunës, kur Denveri do të ketë mundësinë t’i afrohet titullit kampion. Ndeshja do të luhet në shtëpinë e Heatit.
