Kafeja është stimuluesi i mëngjesit dhe kënaqësia e preferuar e shumë njerëzve për pjesën tjetër të ditës.

Studimet kanë treguar prej disa kohësh se kafeja është e mirë për shëndetin, edhe pse dikur kishte një reputacion të keq.

“Kafja nuk është e pashëndetshme”, thotë shkencëtarja gjermane Ana Flugel, e cila ka studiuar dhjetëra studime mbi pijen popullore.

“Konsumimi i moderuar i kafesë shoqërohet me një rrezik të reduktuar në përgjithësi të zhvillimit të sëmundjes”, thekson Flugel.

Shkencëtari studioi disa studime afatgjata në të cilat morën pjesë dhjetëra mijëra njerëz. Atyre iu drejtuan pyetje rreth zakoneve të jetës dhe u regjistruan sëmundjet nga të cilat vuajnë.

Dashamirët e kafesë mund të jenë veçanërisht të kënaqur me një nga rezultatet. “Ata që pinë kafe jetojnë më gjatë, pavarësisht se ku jetojnë”.

Pse kafeja ka një reputacion të keq shëndetësor për një kohë të gjatë?

Për shkak të qasjes së gabuar ndaj kërkimit, pretendon Flugel. Shumë pak vëmendje i është kushtuar gjësë kyçe që shpesh “shkon bashkë” me kafen – pirjes së duhanit.

Fakti është se duhanpirësit pinë më shumë kafe dhe se sëmundjet e lidhura me duhanin i janë atribuar padrejtësisht kafesë në të kaluarën.

Studimet e fundit kanë treguar se kafeja ka një efekt të caktuar parandalues ndaj kancerit të mëlçisë dhe fshikëzës, dhe e njëjta gjë vlen edhe për diabetin e tipit 2.

Rreziku i zhvillimit të presionit të lartë të gjakut nuk lidhet me konsumimin e kafesë, thekson Flugel.

Pra, rregulli i përgjithshëm është – kafja mund të pihet pa pendim dhe ka përfitime për shëndetin. Mbetet për t’u parë se si ndikon kafeja në trup