Zjarri mbi fshatin Kosiq në Anë të Malit është akoma aktiv dhe po shkon në drejtim të fshatit Bojk, kurse zjarrëfikësit me gjithë tentativat e shumta gjatë natës së kaluar nuk kanë mundur të depërtojnë në vendngjarje për shkak të terrenit të vështirë. Shefi i shërbimit të mbrojtjes dhe shpëtimit Flamur Sella , tha për televizionin Teuta se fatkeqësisht  me gjithë apelet e mëparshme nuk kanë pasur as ndihmën e banorëve të zonës. Zjarri për momentin tha Sella nuk rrezikon shtëpi dhe ndërhyrja e zjarrëfiksave do të bëhet e mundur vetëm kur ai të zbresë në terren më të favorshëm për intervenim. Gjithashtu edhe ndërhyrja e avionëve nuk është e mundur pasi ato janë të angazhuar në zjarrin e madh në komunën e Tivarit.