Në Qendrën për Kulturë, Kopshti Xixëllonjat organizoi programin përmbyllës të këtij viti shkollor dhe me këtë rast u bë edhe shpërndarja e diplomave për parashkollorët e këtij kopshti që do të ulen këtë vit për herë të parë në bankat shkollore.

Programi me moton : Gati, për stacionin e rradhës , shpalosi para publikut një larmishmëri pikash artistike të cilat dhuruan shumë emocione për publikun në sallë.

Suela Kaca, deklaroi e entuziazmuar  për Tv Teuta që janë shumë të kënaqur me arritjet e këtij viti shkollor që për Xixëllonjat shënoi edhe një zgjerim të kapaciteteve të këtij kopshti dhe frekuentimin e kopshtit nga një numër më i madh nxënësish.

Kopshti  Xixëllonjat tashmë ka filluar rregjistrimet për këtë vit shkollor dhe premton se  do vazhdojë në hapat e deritanishëm.