Prej ditës së parë  të paraqitjes së koronavirusit  ndërmarrja “Veprimtaritë Komunale “ në Ulqin ka qenë në gatishmëri të plotë duke respektuar vendimet e Trupit koordinues për parandlimin e infektimeve.Drejtori i kësaj ndërmarrje Skender Kaleziq, deklaroi për TV Teuta se  urdhëresat të cilat kanë ardhë nga Shtabi për Mbrojtje dhe  Shpëtim  janë realizuar 100%, mandje edhe janë tejkaluar. Çdo ditë bëhet larja e rrugave më të frekuentuara,  dezinfektimi i shumë institucioneve  dhe hapësirave publike. Është bërë edhe bartja e mbeturinave inerte, dhe drejtori Kaleziq apelon tek qytetarët që të respektojnë orarin komunal dhe mos t’i hedhin ato jashtë kontejnerëve të plehrave, kurse në rast nevoje ato i mbledhin edhe para shtëpiave.  Bordi Drejtues i ndërmarrjes “ Veprimtaritë komunale “me kërkesë të drejtorit ka aprovuar vendimin për faturimin e muajit mars me 50% zbritje  për bizneset të cilëve iu është ndërprerë veprimtaria për shkak të virusit, dhe kështu do të vazhdohet deri në normalizim të siatuatës.