Epidemiologu kompetent për komunat e Tivarit  dhe Ulqinit, Dr. Liljana Joviqeviq, e cila ishte e ftuar në programin e mëngjesit të TV Teuta , tha se situata epidemiologjike është e qëndrueshme dhe se nuk ka nevojë të përhapet panik tek qytetarët. Ajo shtoi se personat që kishin qenë në një vend ku prania e virusit COVID-19 ishte konfirmuar, për 14 ditë  ishin nën mbikëqyrje dhe testim special. Joviqeviq pretendon se qytetarët janë të informuar mirë, por se duhet të bëjnë dallim midis informacionit të vërtetë dhe informacionit të rremë, dhe se ata ndjekin njoftimet e Institutit të Shëndetit Publik dhe Ministrisë së Shëndetësisë. Ajo tha se qytetarët, nëse dyshojnë për simptoma, mund të kontaktojnë numrin e urgjencës së telefonit të epidemiologut ose mjekun e tyre të zgjedhur në çdo kohë të ditës.