Kryeministri i Malit të Zi, Millojko Spajiq, dhe Komisioneri Evropian për Zgjerim, Oliver Varhelji, sot do të flasin për vendosjen e mundshme të Malit të Zi në listën gri të Task Forcës së Veprimit Financiar (FATF) dhe MONEYVALA. Këtë e ka konfirmuar Spajiq, duke treguar se ka një takim të rëndësishëm me Komisionerin Evropian.

Këtë informacion Spajiq e bëri të ditur në Konferencën Kombëtare Kundër Korrupsionit të organizuar nga Rrjeti për Afirmimin e Sektorit Joqeveritar (MANS).

Ai paraprakisht tha se qeveria aktuale është duke punuar në luftimin e korrupsionit dhe se kanë miratuar një propozim për Ligjin për parandalimin e pastrimit të parave dhe financimit të terrorizmit.

“Miratimi i këtij ligji që shpresoj se do të miratohet më 11 dhjetor dhe ndryshimi i Kodit Penal janë dy masa që presin të zbatohen me dekada dhe kjo qeveri e bëri për dy muaj”, ka thënë Spajiq.

Siç tha ai, do të avokojë që organet e pavarura të marrin meritën për punën e tyre.

“Më në fund po kalojmë nga fjalët në vepra, Prokuroria Speciale e Shtetit do të ketë mbështetje reale dhe substanciale, jo deklarative deri tani. Ne e shohim luftën kundër korrupsionit si një domosdoshmëri ligjore dhe një instrument të rritjes ekonomike. Vizioni i kësaj qeverie është realizimi i një shoqërie moderne”, theksoi Spajiq.