Sfida vendimtare për kombëtaren tonë në këto eliminatore, ajo ndaj Armenisë në Jerevan ditën e diel, do të drejtohet nga gjyqtari polak Szymon Marciniak. 34-vjeçari  mban stemën e FIFA-s që nga viti 2011 dhe në CV e tij numëron 45 ndeshje ndërkombëtare. Ai ka drejtuar pak ndeshje në arenën ndërkombëtare, ku veçohet ajo e eliminatoreve të Botërorit 2014 mes Portugalisë dhe Azerbajxhanit, ndërsa në vitin 2015 ishte gjyqtari kryesor i finales së Europianit U-21 mes Portugalisë dhe Suedisë.