Organizata Turistike e Ulqinit planifikon që edhe për vitin e ardhshëm të vazhdojë rritjet e të ardhurave dhe rezultatet e mira. Pasi këto dy vitet e fundit ka pasur rritje prej rreth 15%, për vitin 2018 të ardhurat planifikohen 16% më të larta dhe pritet të kapin shifrën e 640.000 eurove.

Drejtori Fuad Haxhibeti, për televizionin Teuta tha se këto arritje janë rezultat i punës së mirë të të punësuarëve në këtë organizatë , dhe në të ardhmen priten rezultate edhe më të mira. Në Kuvendin e Organizatës Turistike u miratua raporti i punës për vitin 2016 si dhe plani për vitin 2018.