Presidenti i Malit të Zi, Millo Gjukanoviq, sot do të qëndrojë për vizitë në Komunën e Tuzit ku pritet të takohet me kryetarin Nik Gjeloshaj dhe drejtorin e Shtëpisë së Shëndetit, Halil Dukoviq. Gjukanoviq në këtë vizitë do të shoqërohet edhe nga drejtuesit më të lartë të institucioneve shëndetsore në Mal të Zi. Komuna e Tuzit ndodhet në karantinë të plotë që prej shpërthimit të koronavirusit kur u  infektuan mbi 30 persona, masë e cila është treguar efektive, pasi në javën e fundit ka pasur vetëm tre raste të reja me këtë sëmundje.