Tri herë jamë tërhequr me vullnetin tim, pas fitoreve dhe mendoj se askush nuk mund të më rrëzojë nga konkurrenca politike, ka thënë në intervistën për BBC, në gjuhën serbe, presidenti i Malit të Zi, Milo Gjukanoviq, transmeton RTMZ.

Ai, po ashtu, ka pohuar se opozita ende nuk e ka kuptuar se disa çështje janë hequr njëherë e përgjithmonë nga rendi i ditës. 

“Kam tërhequr vërejtjen se nën vellon  e protesët qytetare, paraqiten kërkesa politike”, ka thënë Gjukanoviq, dhe ka shtuar se e pranon edhe këtë sfidë dhe është i gatshëm për dialog me ata që kërkojnë ndryshime, por kërkesate  e tyre i shpjegon në mënyrën e vet.

“Rreziku i madh për rrëzimin e politikës të cilën e personifikoj janë dobësitë tona. Nëse do të dijmë, do të arrijmë të rruhemi nga dobësitë tona dhe do të vazhdojmë praktikën e mirë të ripërtëritjes sistematike të kapaciteteve tona”, ka thënë mes tjerash, presidenti Gjukanoviq.