Gjokoviqi mund të shpëtojë pa dënim
Prej tvteuta14:22, 31 Maj 2023
Tenisti serb, Novak Gjokoviq, megjithatë nuk do të ndëshkohet për veprimet e tij që i bëri të hënën në “French Open”. Ai pas fitores në raundin e parë, e shkroi një mesazh me propagandë pro-serbe, duke shfrytëzuar profilin e tij të lartë të sportistit për të vazhduar me provokimet e tij.
Në mesazhin e tij, Gjokoviq shkroi “Kosova është zemra e Serbisë! Ndaleni dhunën”.
E për këtë veprim, i cili ka sjellë reagime të ndryshme, Gjokoviqi nuk do të ndëshkohet. Edhe pse një ndëshkim është pritur, Federata e Tenisit të Francës, haptazi ka njoftuar të gjithë se Gjokoviqi do të shpëtojë pa u ndëshkuar. Në njoftimin e federatës franceze, thuhet se askund në rregulloret e saj nuk shkruhet se çfarë i lejohet tenistit dhe çfarë nuk i lejohet.
