Gjokaj: Bashkimi në Malesi, ogur i mirë edhe për shqiptarët në vendet tjera

Për të përkrahur bashkëvendasit në ditën e zgjedhjeve lokale në Tuz, prezent ishin edhe një numër i madh i të ardhurve nga diaspora. Njëri nga ata ishte edhe Pashko Gjokaj, veprimtar i njohur nga Shtetet e Bashkuara të Amerikës, i cili premtoi se kjo përkrahje nuk do të mungojë as në të ardhmen. Ai tha se vitet e fundit në Malesi po bëhen ndërrimi i strukturës së popullsisë dhe asimilimi i popullatës vendase, çka duhet të ndalohet në të ardhmen. Sipas tij, bashkimi i subjekteve shqiptare, përveç efektit pozitiv politik në Tuz, do të jetë ogur i mirë edhe për bashkimin e tyre në trevat e tjera në Mal të Zi.