Kryetari i Komunës së Tuzit, Nik Gjeloshaj fillon vizitën e tij disa ditore në SHBA. Gjatë vizitës së tij, ai do të takohet me diasporën në New York dhe Michigan, si dhe me Kongresmenët dhe kryebashkiakun e Rochester Hills-it, me të cilët Tuzi është binjakëzuar, Z. Rayan Barnet. Barnet për ndryshe është presidenti i Unionit të komunave Amerikane, dhe përveç kësaj, kryetari do të takohet edhe me Z. Mark Gjonaj, deputet në New York. Gjeloshaj ndër të tjera do të japë edhe një intervistë  për Zërin e Amerikës. Gjatë vizitës ai do të inkurajojë diasporën të vazhdojë të investojë në Tuz, dhe gjithashtu do të udhëheqë diskutime mbi situatën politike në Mal të Zi me zyrtarë të lartë në SHBA.