Një nga liderit e Frontit Demokratik Andrija Mandiq qëndroi për vizitë në Beograd ku u takua edhe me kryeministrin Aleksandër Vuçiq. Sipas burimeve të disa mediave, një nga arsyet e vizitës është edhe konsultimi për kthimin e mundshëm të këtij grupimi në Kuvendin e Malit të Zi.

Sipas tyre, planifikohet që në seancën e Kuvendit kur do të diskutohet për antarsimin e Malit të Zi në NATO, Fronti Demokratik të ndërpresë bojkotin dhe të shprehë arsyet se përse janë kundër këtij antarsimi. Po ashtu planifikohet që gjatë seancës së Kuvendit të organizohen edhe protesta të qytetarëve që janë kundër këtij antarsimi.