Mali i Zi ka nevojë për një qeveri që mund të sjellë reforma në drejtësi, tha kryeministri Dritan Abazoviq.

“Kjo është narrativa politike e shumicës dërrmuese të subjekteve politike,” u tha Abazoviq gazetarëve në Berane.

Nëse dikush dëshiron të formojë një qeveri të bazuar në një vizion të qartë, mbi parimet e reformës, siç tha kryeministri, LQ URA është bashkëbisedues.

“Nëse dikush dëshiron të formojë një qeveri për të shitur ndonjë mashtrim që nuk mund ta realizojë dhe për të marrë një miliard euro hua ose për të shitur EPCG, ne nuk jemi bashkëbisedues. Të gjithëve ju uroj më të mirat, shpresoj që të marrin direktiva nga qytetarët dhe jo nga Zoran Llazoviq”, tha Abazoviq.

Kryeministri tha se Zorana Llazoviq ka deklaruar të premten se është në interesin më të madh të Malit të Zi që të formojë qeverinë sa më shpejt të jetë e mundur.

“Pas kësaj më duket se aktivitetet u përshpejtuan. Kemi një deklaratë edhe zotëri (Nikola) Markoviq, si analist, se tashmë është rënë dakord për qeverinë. Kështu që unë mendoj se disa njerëz u hodhën për t’u bindur dëshirës së tij. Nëse qytetarët mendojnë së është mirë, e gëzofshin. Torta është në ngrirje, por mund të shkrihet dhe të dorëzohet, nëse duhet të shuhen qirinjtë”, tha Abazoviq.