Kryetari  i  Bordit Drejtues të Fondit për mbrojtjen dhe realizimin e të drejtave të pakicave në Malin e Zi, Mr. Basri Lika, shprehet se ky  institucion ka luajtur edhe po luan një rol shumë të rëndësihëm në afirminin e vlerave  kombëtare, historike dhe kulturore të pakicave në Malin e Zi.

“Organizatat  joqeveritare dhe individët , në saje të përkrahjes së Fondit , kanë realizuar një mori projektesh të rëndësishme për afirmimin e pakicave në Malin e Zi”,- tha për TV Teuta  z. Lika. Ai theksoi se tash është i hapur  konkursi i ndarjes së pare të këtij viti dhe ftoi sektorin civil dhe individët që të konkurojnë, duke apostrofuar se do të përkrahen vetëm ata që përfillin Rregulloren e Fondit.