Moti i lig i cili goditit dje Ulqinin me rrethinë, në disa pjesë të qytetit shkaktoi dëme të konsiderueshme. Në lagjen Kodra, era fortë rrotulluese, e njohur në popull si truma, kaloi nëpër bahçen dhe shtëpinë e prodhuesit të njohur të pemëve dhe perimeve, Rasim Lika. Edhe pse era rrëzoi pemë dhe gardhinj edhe në pronat përreth, tek familja Lika shëmbi edhe pjesë të serave, ndërsa erës nuk i shpëtuan as disa nga dritaret e shtëpisë.

Lika thotë për TV Teuta se dëmi material është një pjesë e problemit, ndërsa goditje ka pësuar edhe vullneti dhe dëshira e tij për tu marrë me këtë aktivitet. Disa nga serat kanë pësuar  deformime të konstruksionit, kurse pjesa më e madhe janë zbuluar komplet nga era.  Disa nga pemët e rrëzuara ishin të vjetra me dekada, diçka që nuk mund të kmpenoshet nga ana materiale.

Lika tha se për dëmet e krijuara do ti adresohet institucioneve komunale si dhe Ministrisë së bujqësisë, me shpresën se do të kenë vesh për probemin e krijuar.