Kompania e njohur, Concordia Commerce, me një koktej të rastit bëri hapjen e objektit të ri, i cili do të pasurojë ofertën e kësaj kompanie në tregun e Ulqinit. Në hapjen solemne merrnin pjesë stafi i kompanisë por edhe partnerë afarist nga Ulqini dhe qytetet e tjera. Të pranishmëve iu drejtua njëri nga pronarët, Faruk Buzuku, i pasi i falenderoi ata për praninë e tyre,  tha se kjo kompani këtë vit feston 30 vjetorin e themelimit, një arritje e madhe për një kompani lokale.

Menaxheri Lavdim Çaushi, tha për TV Teuta se hapja e objektit të ri ishte kërkesë e kohës dhe e vetë klientëve, për të cilët kjo kompani ofron zbritje në të gjithë asortimanin deri ditën e shtunë me 22 qershor.