Në mbrëmjen e djeshme Ulqinin për disa orë e surprizoi bora e papritur e cila nuk ishte e parashikuar as nga meteorologët. Edhe pse nuk zgjati shumë , përsëri trashsia e saj arriti në disa centimetra duke shkaktuar vështirësi në qarkullimin e automjeteve.

Nga ndërmarrja “Veprimtaritë Komunale” dolën menjëherë në terren për të pastruar rrugët kryesore , të cilat ditën e sotme janë të kalueshme. Për sot nuk priten reshje të reja.