Banorët e BL nr.1 shprehin shqetësimet për problemet e grumbulluara ndër vite
Prej tvteuta12:52, 9 Maj 2016
![](http://tvteuta.com/wp-content/uploads/2016/05/sajo-110x96.png)
Kryetari i komunës Nazif Cungu dhe bashkëpunëtorët e tij në vazhdë të takime që janë duke bërë ndoqën me vëmendje shqetësimet e banorëve të BL Nr.1 dhe premtuan angazhimin dhe zgjidhjen e tyre. Kryetari i kësaj BL Bekim Basha dhe anëtarët e kryesisë veçuan disa nga problemet e grumbulluara ndër vite.
Kjo BL ende nuk ka zyre ku të ushtrojë veprimtarinë. Pasi në këtë Bashkësi përfshihet dhe Rana, zona më atraktive e cila gjatë stinës së verës është shumë e frekuentuar dhe problemet janë të natyrave të ndryshme.
Basha veçoi uzurpimet, zhurmën e muzikave, ndërtimet pa leje, problemin e kanalizimit në lagjen Liman 1 dhe 2, ndotjen e parkut në Ranë që në mungesë të WC-ve publike gjatë verës shëndrrohet në WC, çështjen e hedhjes së inerteve tek përmendorja dhe të tjera të kësaj natyre u bënë objekt shqyrtimi në takimin e fundjavës.
Kryetari Cungu edhe me ketë rast shprehu qëndrimin dhe vendosmërinë e ekzekutivit që këto probleme në nje kohë sa më optimale duhet të zgjidhen. Bashkëpunëtorët e tij këtë fillim javë do të dalin në terren për të propozuar masa konkrete. Disa nga problemet do të zgjidhen para fillimit të sezonit turistik.