Banka Qendrore e Malit të Zi, i ka dhënë dritën jeshile Bankës Komerciale të Malit të Zi për blerjen e shumicës së aksioneve të Societe General Montenegro, me çka do të bëhet bashkimi i këtyre bankave. Kritikët e këtij bashkimi thonë se ky bashkim mund të kërcënojë konkurencën në treg dhe do të sjellë humbje të vendeve të punës, kurse ato që e përkrahin thonë se në vend ekzistojnë shumë banka në krahasim me madhësinë e tregut, dhe se ulje të numrit të tyre mund të ketë edhe në të ardhmen.