Banka e Anglisë rrit normën e interesit, më e larta në 33 vite
Prej tvteuta3 November 2022

Banka e anglisë rriti normat e interesit këtë të enjte në nivelte më të larta në 33 vite, teksa përpiqet të frenojë inflacionin në rritje edhe pse ekonomia e Mbretërisë së Bashkuar po rrëshqet drejt recesionit. Banka qendrore bëri rritjen e saj të tetë të normës së interesit në më pak se një vit, duke e çuar normën e saj bazë në 3%. Shifër kjo që do të thotë më shumë vështirësi për ata me hipoteka, kartë krediti dhe kredi bankare.
Rritja e madhe përputhet me lëvizjet e bëra nga Rezerva Federale e SHBA të mërkurën dhe Banka Qendrore Evropiane javën e kaluar.Rezerva Federale amerikane rriti sërish normat e interesit me 0.75 pikë përqindje të mërkurën dhe tha se beteja e saj kundër inflacionit do të bëjë që kostot e huamarrjes të rriten më tej. Ndërkohë banka e anglisë në një deklaratë të zymtë tha se vendi do të përballet me një rënie “shumë sfiduese” dyvjeçare dhe papunësia pothuajse do të dyfishohet.
Rritja e sotme vjen pas trazirave ekonomike nën qeverinë e Liz Truss; megjithëse gjërat janë qetësuar pak që kur Rishi Sunak mori drejtimin Sunak ka premtuar një plan të ri për të riparuar financat e vendit më vonë këtë muaj, por priten rritje të taksave dhe shkurtime të shpenzimeve. Ndërkohë vendimi i sotëm shkundi edhe njëher vlerën e paundit britanik.