Dje në Ulqin qëndroi për vizitë zyrtare Ambasadorja  e SHBA-së në Mal të Zi ,Xhudi Rajzing Rajnke, dhe shefi i seksionit politik pranë Ambasadës , Luis Giter. Ata u takuan me  Kryetarin e komunës Loro Nrekiq dhe bashkëpunëtorët e tij. Ambasadorja u interesua që të njihet më së afërmi me planet zhvillimore të Ulqinit dhe sfidat me të cilat ballafaqohet komuna jonë. Ajo, vlerësoi resurset  e shumtë dhe bukuritë  mahnitëse të Ulqinit duke veçuar disa nga to si  asete me vlera të jashtëzakonshme. Kryetari Nrekiq vlerësoi  lartë marëdhënijet ndërmjet dy vendeve dhe rrolin e ShBA-së në anëtarësimin e Malit të Zi   në NATO. Ai tha se klima  për investime  dhe interesimi i të huajve për të investuar në Ulqin është gjithnjë e më i madh dhe kërkoi që investitorët amerikan të jenë të pranishëm në projektet në Ulqin. Ambasadorja premtoi angazhimin dhe ndihmën e Ambasadës në këtë drejtim dhe në forcimin e marëdhënieve  gjithnjë e më të mëdha ndërmjet Komunës së Ulqinit dhe Ambasadës  së SHBA-së në Podgoricë.