Aksioni “Florida”: Arrestohen 8 persona, 28 të tjerë me kallëzime penale
Prej tvteuta18:25, 27 Korrik 2022
Në orët e hershme të mëngjesit të sotëm, pjesëtarët e Drejtorisë së Policisë Speciale arrestuan 8 persona, Radislav Vojiçiq (39) nga Nikshiqi, Nikolla Grguroviq nga Danilovgradi, Dejan Goluboviq (62), Nebojsha Pejoviq (42) Jovan Ercegoviq , Boshko Vujoviq nga Kotorri, si dhe Sllavko Miliq dhe Marija Radulloviq nga Podgorica.
Në mesin e të arrestuarve ka persona të cilët dyshohet se janë organizatorë dhe anëtarë të grupit kriminal që ka kryer disa vepra penale në periudhën e kaluar, përfshirë edhe kontrabandën e drogës, njoftuan nga Drejtoria e Policisë. Aksioni në fjalë i quahtur “Florida”, është aksion ndërkombëtar dhe po kryhet në disa qytete të Malit të Zi.
Drejtoria e Policisë bëri të ditur se në kallëzimin penal të Prokurorisë Speciale të Shtetit (SDT) janë përfshirë gjithsejt 28 persona. Me aksionin ka koordinuar Europoli.