Punëdhënësit që veprojnë në territorin e Malit të Zi kanë të drejtë që deri me 16 tetor të paraqesin aplikimet për programin e aftësimit profesional. Nga Byroja e punës së Ulqinit thonë se deri tani janë paraqitur vetëm 5 punëdhënës për 13 vende të lira punë, çka është shumë  më pak se vitet e kaluara, ku vetëm një vit më parë u paraqiten 49 punëdhënës me 140 vende pune. Pas paraqitjes së punëdhënësve do të fillojë paraqitja e të diplomuarve në shkollat e larta, që do të zgjasë deri me 15 nëntor.