Abazoviq: Ska kthim në Kuvend
Prej tvteuta10:11, 14 Dhjetor 2016
Duke komentuar deklaratën e Ministrit të Punëve të Jashtme Srdjan Darmanoviq, se ftesa ndaj opozitës e cila mbështet antarsimin në Bashkimin Evropian dhe NATO për t’u bashkuar me qeverinë është ende e vlefshme, Abazoviq ka thënë se nuk ka kthim në parlament apo çdo lloj dialogu deri sa të përmbushen kërkesat e opozitës.
“Deri sa të përsëriten zgjedhjet parlamentare, pasi ata të 16 tetorit janë të vjedhura , dhe derisa të zgjidhet çështja e ‘grusht shtetit’, kthim në institucione nuk do të ketë. Ne e dimë se kjo situatë e shqetëson Qeverinë por nuk jemi të ngarkuar për këtë, dhe shpresoj se uniteti i opozitës nuk do të dëmtohet nga ndonjë gjë, “tha Abazoviq për gazetën Dan.